試妝日期: 10 - 9 -2007
試妝時間: 下午3:30 - 7:30
昨日，我試了Shirley, 佢好不好?...都ok 啦... 不過可以話不合我要求~
Shirley 係May 仔 partner, 其實佢化妝同好過May 仔, 尤其對眼真係化得好精緻, 但佢由上粉到化起第一個造型, 已差不多花了3個鍾, 看起來沒有May仔的爽快( 但Shirley set頭就幾熟手), 有些手腳亂, 成日要搵野 ... 我捻如果到我bd 咁點算, 化3個鐘仲要加伴娘化妝bor, 之後同寶寶講, 佢話bd叫Shirley 快手咪得囉, 而且唔join 就冇呢d飾物用bor。
我就話如果本身個人要慢, 快的話咪化得唔好, 同埋如果搵一個化得更好, 個妝靚的話沒有May仔既飾物, 一樣可以動人。
同埋... 我本身係打左好多底去試, 點知Shirley一開始就用卸妝綿抹乾淨塊面, 底都冇再打過就化了
回到家, d粉乾到甩哂出黎
其實佢本身真係唔差, 人又好nice, 不過我唔confirm 佢最大原因係我想搵 Catis。我知Catis 個期好full ga, 我就博如果有我bd個期的話, 我一定搵佢。我前日打比Catis, 真係有期喎, 仲約左星期五放工試妝, 所以試Shirley時咪冇乜心機囉，咁樣又好似對Shirley好唔公平, 不過結婚當然想咩都最好。
雖然Catis 比May 仔o個邊收得貴 (不過講真, 如果我係May 仔加註冊同媽咪 set 頭,又差唔到好多)
又唔包飾物, 只包頭飾, 但用6千幾就有個星級化妝師同我、媽咪扮靚喎, 都值得既。不過如果我攞May 仔試妝d 造型相比Catis 化係咪幾怪呢, 但我又好鍾意d造型
噢 ... 想不到搵mua不是易事, 不過我對Catis有信心, 應該無須試第四次(就算有, 都希望係final搵佢trial)
淨係化妝都花不少錢了, 如join Catis + 試妝都用左七千銀
結婚真係倒錢落海!!!
我想問0下你, 如果may chan 同 catis 都有期, 比你揀你會揀邊個ar?? catis 佢試好少妝, 但係係0米有得final 再試ga?? 因為我知may chan 依家試0左就無得再試.. 我想聽聽你意見 ar, 我見你2個都試過 ma..
回覆刪除Ceci: Catis 再試係要再比試妝費, 因為既然我JOIN了佢, 試多次自己會安心D 其實佢兩個各有各好, Catis好nice, 阿May 好爽, 好有性格 化妝方面, Catis 將隻眼化得好細緻, 阿May化眼就冇catis咁有心機(但我聽人講佢在bd就化得好靚), 佢比我整體造型既感覺都好好 比我揀我prefer 阿May, 因為阿May平好多 , 又包埋accessories, 真係令新娘子少一樣煩惱, 我而家就慘lu 又因為我試catis時, 我個樣非常殘, 化完都仲係殘; 阿May 幫我化我就見唔到破綻(也可說當日我精神好) 不過陪我試阿May 的auntie 一上去見阿May 都只剛剛執同洗粉樸 佢話阿May不太乾淨, 呢d係化妝師大忌, 又可能auntie都學過化妝, 佢好mind 呢樣野, 我就唔太留意又不介意, 阿may又不是完全不清理 最重要搵mua 同自己夾唔夾, 既然妳約左阿may 試, 就對佢有信心, 希望妳一take過, 唔洗再要試多幾次啦 (不過如果confirm 阿may, 記得要佢查清楚妳個bd是否真的有期, 若不是好似我咁, 慘慘慘 )
回覆刪除唔該晒你 ar.. 解釋得好詳細.. 好la, 我會對may多d 信心 ga la.. 希望我一take 過搞掂 la..
回覆刪除你講既Shirley,唔知係咪我上網睇嗰個呢?佢有無網址架?係邊度試妝架?
回覆刪除[版主回覆11/29/2007 23:35:00]上網睇o個個唔係佢o黎ga 試妝都係在阿May o個度
哦,咁我都放心0的。
回覆刪除