昨天很高興能見證翠兒結婚大日子。
天公造美，整天一切亦非常順順利利
先來為大家送上一點花絮
很漂亮的花車啊
靚車當然要襯番最靚的新人啦
出發喇~
星光大道的外影, 很漂亮的天色啊
到了註冊時候喇，新人準備入場
靚人靚景靚花球
晚宴的佈置
得意的 Foam Board
翠兒氣球好可愛啊~
一起來拍張照先
但我真的很大頭蝦呀~ 註冊開始至晚宴，相機原來 set 到最低的 resolution，拍出來的花絮只能在網上分享呢!
祝 Tweety 同 Edward 婚姻美滿‧永遠幸福 ^^
2008年11月30日 星期日
Tweety's Wedding
2008年11月27日 星期四
囍‧接新娘遊戲
哈哈，取了相，首先同大家分享結婚當日接新娘遊戲啦
兄弟十多人，人強馬壯‧水火不侵‧身經百戰，讓姊妹們捻遊戲都攪盡腦汁，終於捻到對戰方案。
對付敵軍武器
新郎哥與兄弟14人準備入戰場
唔好捻住人多蝦人少，我地就拍你地!
因為...我地就以新郎最大的弱點 – “冇記性”為攻擊目標(佢真係可以連一星期前發生過既野都唔記得GA)，提問有關拍拖、新娘的問題，當然無論答o岩答錯，都要好好「獎勵」他們啦!
“辣辣”壽司邊個食 … 我唔食‧你地全部都要食
新娘就當然夠辣啦，問題一簡單D啦：「新郎同新娘拍左拖幾多個星期呢 ?」
平時見到數學就驚o既寶寶，就當然算錯啦，不過我地要求一班兄弟合共做575下掌上壓表示答案，即平均每人做 41下，仲要一邊做一邊吃加料(勁辣wasabi)既壽司。
新郎哥同兄弟都就範分批做，佢地就當然偷雞做唔足啦，有些兄弟又靜靜吐舊壽司落地下，有些又食到胃痛tim
男人之”苦” ….
跟住姊妹提問我們初吻既地方同日期 ….
Nm ......
唉，日期答錯都預左，估唔到隻傻豬豬連地點都答錯，抵罰!!! 苦下你
99% 純朱古力由新迎郎咬定，十多個兄弟每人咬一口 …
心”酸”的情歌
這一次寶寶總算爭氣，認到我條眉，就比你坐底抖下，兄弟就 … 咔咔咔
檸檬汁 + 唔知乜既野搽在新郎哥的小腿上，各兄弟每人舔一下
(溫馨提示，新郎哥有潔癖，一日沖成兩三次涼，d腳毛好乾淨ga)
結果，佢地就範 … 不過真係好核突呀~
甜蜜蜜
呢次一定答中喇啩~
今年在哪兒同新娘渡過生日? ……. 「黃金海岸!!!」
救命呀 ~ 連兄弟都知今年你同我在「半島酒店」食buffet 慶祝啦~ 咁都答錯既~
今次兄弟每人輪流用手肘傳橘(貪易難)，最後由新郎哥食番。 
其實懲罰對於呢班愛玩豪情既兄弟簡直小兒科，只是想比大家齊心經歷甘苦的滋味。
勁歌熱舞
某兄弟曾表示有意投向當姊妹為大家助陣，好! 今次成全你啦
先來穿上我買了都唔敢著的黑色性感 Low Cut 短裙 + 花女的髮夾
新郎哥就戴上超型 $ $ 眼鏡
我俏唔俏呢
和少也唔執輸
其他兄弟勁舞高唱「L-O-V-E」
不過可能歌曲選擇方面有些問題，一向滿有表演慾既兄弟唱了兩三句就停了，但已給姊妹們很多歡樂呢!
愛的宣言
最後當然唔少得新郎哥愛的宣言啦，來一張「賣身契」
不過寶寶用唔同語氣讀左頭兩句好多次，長輩都唔收貨，最後終於以「歡喜版」讀過後，再簽埋張賣身契，你就要做老婆奴喇 !
要讀得情深D
簽約完成
終於，從外母大人手中，接過老婆喇!
2008年11月25日 星期二
2008年11月23日 星期日
聖誕佈置
星期四，回到娘家與爸媽吃飯，怎料爸爸患了感冒，共饍一餐，他已咳了數十下，我見了有點心痛。在第二天早上，我就病了，喉嚨痛得很厲害，現在聲音已沙啞。帶著病，渡過了忙碌的周末。
昨天早上，我與媽媽往尖沙咀跟表姐飲茶。我婚後，她首次來港出trip，看到我 facebook 在結婚當日的分享，也替我高興。中午，我又趕回家附近與寶寶的姨婆飲茶，然後帶她往我們家觀看我們結婚的相片。
坐了一會，姨婆跟奶奶離去。我就累得睡了一個下午，晚上嚷著寶寶去買聖誕飾物，佈置一番。
首先是攪攪這棵陳年聖誕樹。這棵光纖聖誕樹原是在八年前，我送給寶寶放在大學宿舍。不過畢業過後，一直都封著放在一角，到現在電源位已損了，已亮不著，本打算購買新的聖誕樹，但又不想浪費，所以買了一些飾物替它打扮一番後，效果亦不錯。
在聖誕樹旁加了 聖誕bear bear，更迎合我們婚宴 backdrop 的主角，又令聖誕樹生動好多～
再加幾個朋友陪佢先
Snap 番幾張相
不過呢隻唔知幾多年前買的豬兜聖誕襪，唔知怎佈置（唔捨得整污濁呀）
* * * * * *
今天往青衣城，聖誕佈置很可愛很美啊，主題是企鵝，ｏ岩哂好多企鵝迷
不過一如以往一貫作風，得個睇，冇得比人隨便參觀。
訂閱：
文章 (Atom)