試妝日期: 14 - 9- 2007
試妝時間: 下午6:45 - 9: 30
果然如我所料, Catis同我一拍即合了。
是否她化了的妝把我變靚十倍？ 其實又不是, 最重要是化妝好自然, 似自己。
佢為人真係好nice, 我比 May 整既造型相佢, 都冇介意地仲幫我改良得更靚, 但佢冇帶頭飾黎, 真正效果仲未睇到
佢又好快手呀, 一個多鐘就造了第一個造型了。佢共幫我化了兩個妝, 同set3個頭, 我都好滿意。
當然試完我即刻join 左佢, 又攪掂一樣
今次寶寶終於陪我試妝, 不過遲左成個鐘先黎......都算你啦
佢仲幫我拍左d相, 但呢幾日我閉關做野, 對黑眼圈太厲害, 拍出黎成隻 panda咁啊
其實唔關Catis事, 之前我試妝一樣冇遮到, 希望bd前幾日唔好失眠呀!
而家我仲煩多樣野, 就係首飾喇!!!
老實講你好靚女,邊個化都化得好啦 不過就算個化妝師化得幾好 都係要夾,唔夾就幾煩啦........靚女有無相see see呀.......比我偷下師好wor thank you你我訂閱呀
回覆刪除多口問一句點解唔遮黑眼圈?? 化妝定義係要遮wor.......不過你自己鍾意就得啦
回覆刪除To Shadow, 我都覺得今次對眼真係冇第一次試妝咁精靈 可以話我呢次試妝真係好唔夠訓, 剛剛忙完, 連續幾日對成十幾個鐘電腦啊 第一次試 個mua冇刻意遮, 就咁上粉都冇問題 今次影完相,我提Catis眼圈好勁, 佢有幫我遮, 但話我對眼好乾,要用多些eye mask,唔係遮到對眼爆哂紋, 同埋到bd我要提佢大細眼的問題喇 仲有乜可以執執, 請提點, thanks
回覆刪除回覆( 2 ) 你眼好乾,好老實講唔係好乾wor.....我有好多客重乾 過你10倍都化到無理由佢唔得......爆哂紋個個化妝要用遮,的方式唔多唔小都會有紋,(因我地係大人) 但係.....手藝好的話會無"今"多,重有就係用的化妝品同個base都好重要, 因我知有隻base可用係眼部化妝好正的.......你可試下買比個化妝師叫佢用下or叫佢自己買啦, 個名balm balm 係徐子琪bd個日個個mua介紹好正,可去眼紋,但我暫時未買黎試, 因化妝工力上都ok暫無理個情況出現,但我遲些都會買黎用下 試下嗎!! 不過我就發現你有個眼袋啦.....其實個眼袋可以遮的,但係現場都會有小小睇到, 不過影相出黎就靚好多......係用個最淺(係你個皮膚化個底個顏色淺一道)的膏狀肉色係個 眼袋最凹的地方加上去,包你影相出黎同現場see靚好多......... 最後....就係你個大細眼啦......化妝師一睇就睇到啦,點解重要你提返佢, bd個日化唔到"今"點呀?????我d客如果係大細眼,我試妝個日無同佢地化返好.....唔book我啦 唔好意思我睇到好多問題,忍唔著話過你知,但唔講又好似 騙 朋友,唔係好好. 不過比個意見你.....有可能你叫個個mua試多次妝啦,叫佢化返以上我所講的會好d, 因你已經join了啦......... 重有你知唔知個個樣好似藤黎明呀~哈~哈~~你"今"靚女......我都好想唔收$搵你做下 model比我化下用黎做相板 最後~~請你唔好介意我直呀 ~~唔再黎搵我吹水呀!! 因化妝師see到的妝,同你see到又有唔同,點解我覺得亞may好d 唔好see佢個黑眼圈先,係化妝最難畫眉同個粉低光陰影最難, 我一see理個化妝師畫眉就知啦. 不過化妝係人夾人只要你自己鍾意就得啦!!! 有咩講得唔好,請見諒
回覆刪除Shadow, 謝謝您的意見呀 我都覺得佢化個鼻光影唔夠，我一定會提 眼眉問題, 其實佢幫我加soft了, 事實上我本身眉頭真係好黑, 阿May都提過, 真係要比人修下條眉 其實我d眼紋的確好厲害, 可能我細細個到而家都成日喊, 成日摔眼又成日對電腦, 都係黎幾年惡化, 我先去開始搽eye cream。 我平時自己化妝d眼紋都特哂出黎, 我又覺得Catis 叫我用eye mask, 都係想我想bd個妝更好睇 我都明白, 自己選的未必一定最好, 幸好我有較多時間留意點去改善 bd o個日真係要大家去互相信任, 希望到時佢配合到我啦 那我又想問平時化可以點遮d眼紋呢
回覆刪除哈哈, 咁無辦法了 唯有搵佢試多次妝啦 早知早一些認識您, 問妳多d意見先啦 嘻嘻, 我真係藤麗明呀? 有些人說似楊思琦多點(都係化妝後) 化妝前對眼有時幾腫ga 如您想搵model, 我歡迎啊, 我好鍾意比人扮靚 自己就懶得去扮靚
回覆刪除唔好客氣啦~~我只將我see到的話你知,但我最怕係講了出黎, 會比人覺得我係化妝師,當然話個個化妝師化得唔好,想個個人搵我化嗎........好怕呢樣野...... 比人唔會......好在你唔係呀!!!!! 最重要係你信任個mua 眼紋理樣野好難攪,因時間問題,化妝上可以好小小,但係你都知啦,化妝時時要用拖手法, 拖得多皮膚幾好都出啦.第1你可改變手法問題改用印開去的方法,係文字上會有d難道,化妝用手世話了 你知但個力道又唔知點講好???遲些做個教學上黎,你會清楚d啦!!! 不過就要等下啦,因影相有d問題,自己同自己化又影唔到,要搵個人同我影同比我化先得ha~ha~ 第2保護你的眼睛小d摔眼,要靚就要忍下手啦,同用下理個叫{KENZO}eye mask好好用不過幾貴好似$4xx.00,有黑眼圈可改善同眼紋,or用我頭先講個個blam blam 理個平d$228.00,因可當eye mask用, 同bd個日化妝保妝個時+理個上去再保好正~~係個化妝師Grazy講的,我下個月走去買黎試下, 再話過你知o唔ok啦.因我唔接太多妝同無跟公司客人係朋友同以前搵我化過妝的客介紹, 我要湊女呀~~~ 所以無咩野做都係係屋企湊女同亞女出下街,所以要安排時間先去到買, 個間野又係銅鑼灣呀~~ 眼眉問題,其實你可叫個化妝師用下 1)淺色碎粉+上眉頭好黑個個地方會好d. 2)改眉....點改係將你本身條眉用遮的方式不過要用膏狀....遮了你本身眉頭真係好黑個個地方, 從新同你畫過佢,"今"就會好自然好靚,理種係影樓妝化法,因我出身係影樓個師傅教我的, 你叫個化妝師用啦,因修眉本身你條眉黑修黎黎去都黑係個顏色問題wor....修眉只可修靚佢, 唔可以將d本身黑的顏色改變or染眉染淺色佢,都得. ha~ha~現在認識都好呀~~好過唔認識啦 做model我講真的,因我想搵個靚女d做相板,同搵人幫忙影返d靚相呀~~當然係免費個種啦, 影相已搵到個blog影相朋友幫手,model就得1個+你就有2個啦..... 但我想影個種係影樓個d同外景,唔知你時間等唔等呀????
回覆刪除Shadow, 謝謝您啊 攪到我想知 blam blam 在哪兒買呢 同埋趙太是哪一間, package 大概如何? 我考慮名的原因都是很便宜, 款式閃至不閃都有, 口碑好 不過有其他好的選擇, 我都想看看啊 其實我本身都唔識化妝 都係將d顏色"達"落面度, 又唔識遮瘕又唔識化大隻眼 所以唔知咩叫化得好 幫人化仲衰, 因我皮膚白, 我用自己的粉底同人上粉, 化到好似C人 幸好能認識到您, 除了自己bd想靚靚, 其他姊妹都不斷結婚, 我都想扮靚靚見人 噢, 我怕時間未必就唔就到, 我係好似好得閒, 其實係我只是每日返工時間短, 星期一至日都要開工的 而且我身材真係很瘦小, 我的身型真不上鏡 樣子一時很精神, 一時會非常殘的, 我怕找我到時會令您失望 11月的expo, 您會幾時o係度呢, 那我要找您幫手入場了 我主要是去book 攝影 勞煩了您喇
回覆刪除11月expo2,3,4,號都係個樹,到時早d比我個tel no你,call我就得啦 blam blam 個地址:銅鑼灣恩平道44-48號恩平中心16樓 tel: 35808473 全名: Blam Blam face balm (ard more) 你可問下個個sale用黎做eye mask個枝又可作保妝用的. 趙太公司係tst,你要地址可問ms818,因佢係我個客個朋友,個客係趙太到租的. 因的5年前結婚個時間公司係金都,佢搬了去tst係今年事,個地點我都係要問ms818同個客gigi先知, 你可問佢地or我幫你問都得,佢地好好人呀 傻啦,你唔好"今"話自己你要信我有專業眼光先得,身材真係很瘦小唔係個問題wor........ 你個樣係好上鏡的. 樣子一時很精神, 一時會非常殘的, 我怕找我到時會令您失望,唔會wor~~ 你知唔知你個樣係對我黎講超易化個種,比我比過妝的,只有好幾個係靚女...... 如果一個專業化妝師見到個客唔靚就唔知點化,我就c得啦 嘩~你份工無假放呀星期1-星期日都要返 時間方面可安排,影都唔會影全日放心,只係你想唔想做呀!!!! 不過我都要安排好先得,因亞女10月27日要去幼稚園面試,之後又要出妝,同做頭飾, 又要攪亞女d野........都幾忙.但如果係你得的話可安排係影樓影,唔影外景........ 外景搵第2個人去呀~~~ 要影都係11月20幾號先得.......回覆我啦.thank you 100000000000個thank you
回覆刪除Shadow, 11月我真係非常非常忙啊 其實我有興趣 不過如果是拍,我只可在早上, 兩三點左右我就要上班了 您真是廿四孝好媽媽, 其實我是教育工作者(主要接觸高班至小學), 如果日後在教育有咩問題, 您睇下我幫唔幫到您。比心機啊, 做媽媽同小朋友一樣都會付很多的努力
回覆刪除嘩~"今"就好啦....我亞女明年返k1,到小學我就又頭痛啦 thank you你時,到時有咩 問題可問下啦 !! 其實你11月好忙,可睇下d時間點安排,or遲些大家唔係好忙先,因我10,11,12,1月都有妝, 化完妝個人都好累,重要湊亞女,不過影相個個blog朋友理期唔知去了邊樹, 可能佢忙啦,等我搵到佢先ha~ha~ 其實你話你唔係好適化妝,我慢慢會post 些簡單化妝教學係個blog樹, 你可去see下,睇下幫唔幫到你啦. 比小朋友努力係10000000000倍呀
回覆刪除你真係好靚女丫....點化都靚....
回覆刪除翠兒: 妳太跨獎了喇 呢幅相影到我的眼圈眼袋好勁, 好殘啊 不過都好, 迫我要注重休息
回覆刪除咁岩既......原來你同我個best fd.....join左d好似既野......就係化妝同場地佈置....哈哈哈 好有緣
回覆刪除我覺得你好靚呀，輪廓分別，我自己都上過化妝班，都化妝都有一定認識，我覺得好似之前個化妝師化得好d，因為輪打底技巧(光影+遮瑕)、同畫眉功力高一點，第一次既化妝師化既粉底沒有感覺那麼厚，但這個化妝師可能用顏色方面好一點，不過，視乎你要什麼。仲有，我覺得你好似利嘉兒。
回覆刪除[版主回覆12/01/2007 23:36:00]我都覺得第一個mua 好一點, 可惜佢又冇期, 個又join 左而家呢個, 唯有搵佢試多次妝, 講明我既要求, 我相信佢一定做到既, 希望bd 配合到我啦
你好嗎...第一次上黎，發現原來你都係找catis，我都係呀!我覺得佢化既妝好夠薄同夠貼~
回覆刪除[版主回覆12/16/2007 02:04:00]Hello 係呀Catis 既妝真係好薄, 不過我就嫌太薄 新娘化妝唔同一般出街呢, 一定要夠sharp, 光暗、遮瘕都好重要, 不過可能係因為試妝, 佢會輕手d 我都相信佢能力先join 既, 希望佢bd比到我想要既野啦。大家再多d交流下啦
我覺得已經好令喇 , 你有冇你個化妝師既網址呀 , 可否給我參考 ?
回覆刪除[版主回覆01/02/2008 23:03:00]你了解下啦 ^^ http://hk.myblog.yahoo.com/makeup-catis
hihi,
回覆刪除I join Catis...too..but I am now very worried about setting hair.....it seems that she does not have much for setting hair...
any idea?
[版主回覆01/27/2008 21:26:00]I am just worried on the base of making up. You can provide styling photos for reference. Let us give confidence to Catis. To be pretty brides^^
好靚呀~~
回覆刪除[版主回覆02/16/2008 20:12:00]我就有算唔滿意啊! 要搵佢試多次先
好喜歡你的笑容 .... 好開心咁!! 唔錯呀 靚 & 正
回覆刪除[版主回覆03/03/2008 12:03:00]哈哈, 因為我唔笑個樣係好得人驚ga
ok ar...好自然呀個妝...
回覆刪除[版主回覆03/25/2008 13:51:00]我就覺得太自然, 新娘妝還是 sharp d好, 我會同個mua 講講
我記得我揾MUA時都有打比CATIS, 但我個期已經FULL左, 原來果個就係你
回覆刪除相比之下, 真係 May 既造型好些少, 同埋髮型 set 得好靚呀! 唔緊要啦~ 希望你找到心水的 mua~~hehe
回覆刪除我8/6試完妝再比相你地睇呀~!
[版主回覆05/26/2008 22:25:00]最重要係May Chan 打既底好好多 希望妳試妝成功 ^^