May 仔試妝記

試妝日期: 5 - 9 - 2007
試妝時間: 下午2: 00 - 6 : 00

鳴 ... 嗚 ... 嗚... 第一試妝就有阻滯了


很多準新娘都為試妝而煩，我又捻早些預備，找個平、靚、正的就根本無需要左試右試，我亦聽過有人淨試妝已試了8次 。
嘩! 試妝的錢根本可以請個星級化妝師喇!!!
而家我終於都明白點解 ...

去過多次婚宴，留意很多新娘子的妝容，很多我都覺得不多好，不是粉過厚，就是不夠濃，根本賓客的妝容比女主角還搶得多; 有些現場看很漂亮，但拍來的相拍得塊面白得跨張，許Auntie說是粉底的問題，如果一個出色的化妝師應該懂去選出鏡也漂亮的粉底。在我心目中，只有未來嫂嫂的新娘妝我才滿意。我也希望到我的大日子也有這樣的妝容。

我計劃最多只會找兩個mua試妝，一個的May Chan , 一個是嫂嫂的mua, 只要試一次就ok，那麼唔洗煩了。

星期一我首先打了 May Chan 問期, 佢話我個期 ok, 約了昨日試妝, 我自己又冇化妝心得, 就約了許 Auntie一起去。許Auntie就話May仔貴, 五千幾全日可以搵到電視台化妝師，我就捻住試下先, 始終May 仔有好多經驗，口碑好，包set 頭、飾物、媽咪伴娘妝其實價錢我認為都合理既。

1: 50上到門口，仍沒有人我就call May仔，佢食緊飯，叫我地樓下等。兩點正，佢真係到左樓下喇，我仲一眼見到佢就認得佢tim。

上到去，佢即刻同我傾run down，又真係快左d 既，可能係佢習慣啦~
然後就開始化妝喇，我見到d粉底係 armani，唔係cheap 野，kekeke 我捻個底唔會差得去邊，跟住又攪我最頭痛的問題就係眼仔喇 ...
唉 ... 我以前對眼真係好精靈ga，不過人越大眼就越細又腫，可能我喊得多又老左啦，有時我嫌寶寶眼仔仲精靈過我，佢對眼已經同阿Rain差不多。May 比兩隻睫毛我試: 左眼跨d、右眼自然~
我就咁睇當然自然好d，但撐得又冇左眼o個隻咁好，都係跨d好d，不過整完睫毛，許Auntie要接Ada 就走了。

得番我同May 仔，偏偏就是到戲玉的時候~
哈哈...佢幫我玩好多造型，有人同我扮靚靚, 我當然好開心啦~
佢set 頭真係好快手呀，gel都可以唔落，勁呀!! d造型好多我都好鍾意，到我bd真係唔知要邊個造型好
飾物又靚，May個人又爽... 仲整到6點，之後上堂實過哂鐘。

試完我當然捻都唔捻就落訂，佢又開了單，點知... ... ... ... 佢放單個folder搵到原來我bd已有了booking...
噢... 我又真係唔識嬲...
佢都覺得怪，咁易記既日子點會冇booking，偏偏我bd o個日張單佢冇mark 低本schedule bk。
只可說我同阿May真係冇緣，佢亦不斷向我道歉，只收我200蚊試妝，佢仲話介紹Shirley比我，如果我覺得佢ok，可以扣番o個200蚊。我就話我要看多個mua先，有需要再找佢啦...

唉... 個心有d失落呀
如果當初試得唔好，先搵第二個就話o者，而家... 算啦，當上了一堂婚前化妝班，始終我都了解有咩造型岩我，我又鍾意邊d款

到地鐵站時已經6:35，上堂大遲到了。我一路搭車，一路發呆，等到寶貝打比我，佢話佢未上堂，想等埋我，我心捻佢一定唔想上，我又如是，於是最後一堂手語，一起矌課。
同佢食dinner，佢睇左我d相都讚好靚
佢又見我大讚May o個度飾物好多，又咁鍾意d飾物。佢建議我不如比May 介紹既Shirley 試一試先，又可以用番d飾物。我就立刻打比阿May，佢聽到都好開心呀，話遲d再約個期去試。


其實很多準新娘不斷試妝都只不過係想搵個合自己既mua，唔係佢地要求高，而係好既根本一早比人要左，好的mua真的可遇不可求


我真係唔想煩呀
黎緊月中開始又返工喇，希望快d攪掂化妝啦