錢太日記: 9月 2007

2007年9月27日星期四

找了Sister Wedding

今日下班與寶寶到荃灣, 上去 Sister Wedding 看看
我和寶寶都有共識，如果合心水的話就下訂了

場地佈置方面, 我心中有兩個選擇 Wedding art 和 Sister wedding, 價錢方面其他大家也差不多，但Wedding art 如加燈炮, 其他雜項, 收費比Sister Wedding 貴得多。當然Wedding art 招牌的朱古力牌同斜紗backdrop真的很靚，而我往Sister wedding 的網站看到backdrop 很多都是香檳色, 我反而喜歡純白，但阿依說應有多種白色選擇。最終, 我決定了到Sister Ｗedding走一趟。

到了那兒的工廠大廈, 寶寶還是擔心在這兒的地方, 是否信得過... 我說那如果相信我, 一定沒有問題
去到Sister Wedding 的門口, 一開門, 果然知道沒有找錯地方
招待我們的是Chris, 他給了我們很多backdrop 的相片, 寶寶當然看了很多也沒有反應, 直至有兩三幅相片, 他不停的問著, 呵呵, 終有些款式吸引了他了。

我們看過相片後, Chris 與我們傾有關價錢的問題。他真的很老實, 沒有叫我們盲目地加, 他甚至指出了一些客人在強行全個backdrop 加燈炮比不加燈泡的效果還差了很多。即使加了全個backdrop 的佈置和燈泡都只不過加一千元。而且看他為客人界的圖案, 真的很用心, 界一項也只是加二百元。

我們要求的backdrop亦簡簡單單, 根本不用加太多, 一個基本的 package $2680已包了所有佈置了。Chris講解完叫我們可以考慮下先, 我們卻沒有再考慮就說下訂了, 他聽了也有些驚訝。我們說什麼都會不斷加價, 很多客人為怕加價, 什麼都早book, 就算你們不加價, 恐怕會快沒有期。我們下了$1000, 他說下年9月才決定款式也不遲, 我們就離開了。

其實這間公司的資料, 寶寶之前也沒有留意。我問寶寶為什麼那麼爽快就下訂，他就那因為我選擇的拍攝婚照公司令他很滿意, 自然相信我的能力, 加上Sister Wedding 的價錢也很合理, 經濟得來, 佈置卻沒有給人是平價佈置的感覺。

2007年9月23日星期日

蔓延取相記

上星期終於攞左相喇，相簿比我想像中大好多好多，好重

，當然都係寶寶拎
看到自己成相簿的女主角，真係好開心
不過油畫有氣泡，要再整過啊

其實蔓延成品既質素根本不是大陸網站的網友提到那麼差
弄差，香港的ido 仲差得多
而且我覺得弄得唔好都可以在出面相鋪再整過，最緊要係拍得好

2007年9月18日星期二

開始睇衫

呢幾日我和寶貝去留意租禮服的鋪，
心水也有了，只是等下次expo去下訂。
他和一些朋友問我要那麼早試衫?
我說不是試衫，只是下訂。
現在很多東西都年年加價，像金價一樣去年九月 6150--今年九月7030

gc garden 在相隔一個expo之間加幅達33.33333%
就算投資也未能有這樣的利率，所以希望有關要付錢的service, 還是會在今年內落訂。
而試衫應該在過年後才辦，太早hold衫，那怕到bd時,衫已變得好殘了。

我心目中都與其他新娘差不多--一件gown、一件褂、三套eg，我還當然要考慮伴娘和媽咪衫
不過我較煩惱是gown和褂，我個人要求較高、但不想花太多錢去租，希望"名"可以有埋我心水啦!

我們相約可能明天再去睇衫喇~

選擇麥田的原因

這幾天大米兄問我有關在港參展的問題，他發現在港發展的話，支金上運用是非常龐大。
我問他知否現在最多港人選擇的深圳婚紗攝影是哪一間?
他不肯定地說是現代經典。我告訴他去年還是，現在是3v。

他聽了真的想暈過來，全因他相信麥田無論是拍攝技巧、後期...都比3v弄得更好。
那為什麼3v會吸引很多港人拍攝?
就是因為3v的老闆是現代經典前最出名的攝影師，
港人認識現代經典，自然選擇3v，
因為他們覺得給一半的錢就有大影樓的水準，沒想到其實深圳仍有很多好的選擇。

而我再說其實在決定在葵園拍多輯，我也在決擇3v還是麥田，為何結果會選擇麥田?
我給寶貝看分別3v和麥田的作品，他說3v的相片很多元化，但完全沒有一張令他心動...
麥田的風格不多，因為全只出自攝影師阿飛，就比到昔日蔓延作品的感覺--滿有詩意。
也無可否認在拍攝方面，阿飛的技巧比3v兩位老闆更高明。
最重要的是我們認識蔓延比現代經典還多。
我們就是留意很多深圳婚紗攝影公司才選擇麥田，那一定比其他港人清楚哪一間較好。

希望麥田業務更蒸蒸日上。

麥田的網站: http://www.love-99.com

2007年9月15日星期六

請 Live Band

自從那次在 GC 的Expo，我和寶貝都決定找一隊 Live Band 在婚宴演出。

其實之前寶貝都向我建議了，不過佢真係食飯唔知米貴，平時又唔見佢努力儲錢，我根本一早了解請一隊 live band 起碼over 5k 喇! 我就說有 live band 都係令氣氛更好，但我們又不是富裕，不節制的話，不知婚後的生活怎過了，比多些心思選歌播碟，效果也可以好好，他聽了也沒有反對。但在GC 的 expo，他聽過一隊live band, 有 flute、violin同cello，雄心再起，不斷遊說我這位管家婆，哈...今次我被佢說服左了

無可否認，請一隊live band真係唔平，但參加很多朋友的婚宴，卻沒有一次有live band 的演奏，而且我們 banquet 個場又很適合有 live band 演出，寶貝好希望把握一生一次的機會，自己亦不是完全負擔不起。他又熱愛音樂，強調自己個banquet好想請 live band，我都預左佢同班兄弟一定有夾歌大攪作喇! 哈哈，佢又要返工，即係又由我搜集婚宴live band 資料啦。

留意兩個星期，我們考慮兩間公司當中最適合我地既 plan
1. 4188 for 1.5 hrs ( 3 ppl)
2. 6888 for 3hrs ( 3 ppl)
寶貝想到價錢原來這麼昂貴，當然想請第一個 plan啦，我就說一係唔請，請的話就3小時。1.5小時我想主要係比婚宴擺lunch 或證婚選擇。晚上婚宴如果只奏1.5小時，賓客看到live band 在婚宴中途離開，心想新人又要請樂隊，又度住度住黎請又何苦，而且整晚都有樂隊演出先夠圓滿的嘛。終於我們決定選第二個plan，今個星期去搵婚宴樂隊公司睇!

Gold Coast Expo

9月2日，Gold Coast Hotel 有個expo，我地就同爸媽一齊去睇個場。因為之前我同honey去睇場都是剛裝修好，沒有deco，今次expo，gc當然deco得好啦。

這天剛好下雨，如我所料，Father 睇左個場係露天，又剛好下雨，就立刻問sales有關落雨食物的問題。當然sales 強調食物會遮好，我說bd 日期係11月，該不會容易下雨，他才放心一點。

因為下雨，我們沒有慶致多留一會，參觀Suki 模擬的婚禮後便離開了。Suki 真人真的很甜美，不過那件 gown像不太合她的 style。

今次到expo最大既收穫係激發寶貝係 banquet 請live band 的慶致--一隊live band 係 wedding simulation 前演出了幾首歌，他們樂器發出的音譜就像空氣的粒子，隨著空氣的流動，慢慢地向著一個自命音樂愛好者飄進來。在一瞬間，我看著那位天真無邪的"音樂愛好者"被那麼充滿無限威力的力量入侵了他的心... 他就是被那種聲音感染了。噢... 我們又要處理多一件事了

這一天，寶貝係第一次載我 parents

(呢張枱deco好靚，不過因為我地擺中式，sales話唔會咁set)

(個地版唔有想像中咁污穢，樓底高左，唔知夜晚係點呢 )

(我覺得沒有布好d )

(南瓜車--到bd拍餐飽)

蔓延的排版

小栗整的排版真係好靚。當初我地要求，一本有歌詞、一本沒有文字，她就說沒有文字就可能單調一點，我建議她可以有一些留白。結果她做排版真合我和 honey心意，只是有些相片的編排我們有些意見，她修了一次就攪掂了，寶貝看到那麼美的排版，好想兩本相簿一樣大，要求加400元人仔upgrade 本相簿由12吋轉成14吋。

麥田排版攪掂了

今日終於決定了排版。

前日我收到大米老爺send過來的排版，我和寶貝真係嘩一聲...不是因為太好，而是太古怪了，相的編排不順眼，有些cut了角，背景圖案的顏也過份深色，版面不知是什麼文字，尾頁還出現"簡體字"

(雖然我愛祖國，但恕小妹無法接受=p)

或者和之前蔓延小栗做好的排版時的感覺有太大對比了，我看到蔓延的排版亦是"嘩"的一聲，不過嘩然是因為太美和精緻了。我心想雖然大米執相超凡強勁，排版卻沒有女孩子的精美。結果我就不好意思地，每版每版打哂comment同話到明要咩相放咩位置，也幸好有了小栗整的排版，知道可以怎樣可以弄得更好了，但這樣又像不尊重大米的design，不過為了自己的靚靚相簿就無法啦。大米， sor~

昨日我send 個comment 比佢，今早佢話有個新同事add我，原來排版是由她做的，大米現在負責執相，遇著我這個麻煩的客人，妳多受難了。原來她好有心的今早已把排版執好，她的排版真的執了很多，剛好她send 過來時，honey亦在我家。我和寶貝看了，又是嘩一聲，是嘩一聲的古怪。我之前 suggest 加一些圖案，她加了over 一點，結果我連忙再打comment 比佢，又要勞煩佢了。晚上回到家，收了她sent 過來的排版，我們終於收貨了，攪幾次終於完成，可以去印喇 !!!

2007年9月14日星期五

Catis 試妝記

試妝日期: 14 - 9- 2007
試妝時間: 下午6:45 - 9: 30

果然如我所料, Catis同我一拍即合了。
是否她化了的妝把我變靚十倍？其實又不是, 最重要是化妝好自然, 似自己。
佢為人真係好nice, 我比 May 整既造型相佢, 都冇介意地仲幫我改良得更靚, 但佢冇帶頭飾黎, 真正效果仲未睇到
佢又好快手呀, 一個多鐘就造了第一個造型了。佢共幫我化了兩個妝, 同set3個頭, 我都好滿意。

當然試完我即刻join 左佢, 又攪掂一樣

今次寶寶終於陪我試妝, 不過遲左成個鐘先黎......都算你啦
佢仲幫我拍左d相, 但呢幾日我閉關做野, 對黑眼圈太厲害, 拍出黎成隻 panda咁啊

其實唔關Catis事, 之前我試妝一樣冇遮到, 希望bd前幾日唔好失眠呀!
而家我仲煩多樣野, 就係首飾喇!!!

2007年9月11日星期二

Shirley 試妝記

試妝日期: 10 - 9 -2007
試妝時間: 下午3:30 - 7:30

昨日，我試了Shirley, 佢好不好?...都ok 啦... 不過可以話不合我要求~
Shirley 係May 仔 partner, 其實佢化妝同好過May 仔, 尤其對眼真係化得好精緻, 但佢由上粉到化起第一個造型, 已差不多花了3個鍾, 看起來沒有May仔的爽快( 但Shirley set頭就幾熟手), 有些手腳亂, 成日要搵野 ... 我捻如果到我bd 咁點算, 化3個鐘仲要加伴娘化妝bor, 之後同寶寶講, 佢話bd叫Shirley 快手咪得囉, 而且唔join 就冇呢d飾物用bor。

我就話如果本身個人要慢, 快的話咪化得唔好, 同埋如果搵一個化得更好, 個妝靚的話沒有May仔既飾物, 一樣可以動人。
同埋... 我本身係打左好多底去試, 點知Shirley一開始就用卸妝綿抹乾淨塊面, 底都冇再打過就化了
回到家, d粉乾到甩哂出黎

其實佢本身真係唔差, 人又好nice, 不過我唔confirm 佢最大原因係我想搵 Catis。我知Catis 個期好full ga, 我就博如果有我bd個期的話, 我一定搵佢。我前日打比Catis, 真係有期喎, 仲約左星期五放工試妝, 所以試Shirley時咪冇乜心機囉，咁樣又好似對Shirley好唔公平, 不過結婚當然想咩都最好。

雖然Catis 比May 仔o個邊收得貴 (不過講真, 如果我係May 仔加註冊同媽咪 set 頭,又差唔到好多)
又唔包飾物, 只包頭飾, 但用6千幾就有個星級化妝師同我、媽咪扮靚喎, 都值得既。不過如果我攞May 仔試妝d 造型相比Catis 化係咪幾怪呢, 但我又好鍾意d造型