物價高企，只要有心，省起來的一元又一元，又可以預備多一餐飯。
衣服飾物乃身外物，可以買少一兩件，不過食卻是必須的。這次同大家分享買餸心得。
曾經新聞報導我現居的東涌，街市是全港最貴，比港島街市還貴兩成，所以除了逛街市的雜貨鋪及菜鋪，我較愛往超市買餸。
慳錢秘笈1: 不要規限在一個地方買東西，行多步，又慳多不少。
慳錢秘笈2: 物價不一定不斷暴漲，留意多點，預備購入好良機。
慳錢秘笈3: 肉類貴，煲湯不妨以瓜代肉，夏天可用節瓜/合掌瓜，冬天用黃瓜，湯味甜又健康。
食用的肉則不能減，冰鮮肉也是一個選擇，營養師指出冰鮮肉跟鮮宰肉的營養價值是一樣的。
慳錢秘笈4: 嚟旺角，不要只逛街，緊記帶個環保袋。
每逢到旺角，跟朋友行街食飯，總問我拿的一大袋是什麼? 其實嚟旺角，我不只逛街，還會到旺角新塡地街市入貨一番。無論生果、乾貨、濕貨，都比一般街市平好多。
上星期還發現十元九個布冧，仲係超甜又多汁，真係平到喊
好精明喔!!!
回覆刪除[版主回覆11/15/2011 23:36:42]都是一些心得＝）
[版主回覆11/15/2011 23:36:01]都是一些心得＝）