我既 Yahoo account 比人盜用左

昨天發現有一件好恐怖既事，就係我既另一個 Yahoo account 比人盜用左。

 

尋日下晝在hotmail check mail，收到yahoo send過來既email，話我另一個account 同呢個hotmail 的連繫已被刪除，咁奇怪?

我就再登入呢個 yahoo account 睇睇，嘩! 除左同樣收到我個hotmail 的連繫已被刪除外，仲收到一個通知我個yahoo account 已同一個不知明的hotmail link 左既信息，點解會咁ga?


再到yahoo不同function 睇，發現原來有人用我個yahoo account在前一晚半小時內比盜用者在Yahoo 拍賣場上載幾十個auctions，累積有千幾蚊刊登費呀!


呢個盜用者仲係呢半個小時內 close 哂 auctions。我又好佩服佢好快手喎，圖片仲加了我 account 名再加了幾粒 *，像是有計劃的惡作劇，真係好無聊~



幸好仍沒有按「立即繳費」，盜用者又冇周圍去bid野，我暫時在金錢上沒有任何的損失。但始終我是呢個account的主人，yahoo追究刊登費上o黎，我都要負責，我就即刻 email 比 yahoo，又change 左 password，準備報警。我再打比個警察朋友，問佢意見。好彩佢仲on duty 緊，叫我過o黎警署落口供。

朋友說因為yahoo 賬戶被盜用事件有太多了，而且我在呢件事又冇金錢損失，好多時去警署報案都不會受理。我一到警署說因為xxx，根住xxx而報案，那位警察叔叔都黑起個面，好在我位警察朋友過o黎後，有另一個叔叔幫我咋。

 

多謝警察朋友伔儷陪左我成晚，攪到你地家中兩個寶貝冇人睇住。我地在警署停留左兩個鐘，剛好寶寶又收工了，接著一起吃宵夜。

 

 

朋友騙寶寶話我比人呃左千幾蚊，在警署又喊起上o黎，佢真係信喎。

 

其實幫我落口供己既警察叔叔好好人，我仲成日笑 tim。

 

朋友又叮囑我雖然沒有金錢的損失，不過要留意我的account同password 究竟係邊度流失。我一向check email 只會在屋企同office，上星期在我娘家也 check 過 email，我又唔會到網吧、圖書館周圍上網。屋企同娘家上網都是插線的，比人勾線機會很低，在學校我用的電腦只有我一個人可以用，不過不知是用什麼的network，我捻該是在學校中招的多。放假後，要再scan 過部腦係下有冇中左毒。

聽就聽得多了，發生在自己身上真係覺得好恐怖~

 

好彩我開呢個blog是用新的 account ，唔係連呢個blog 都唔敢再用。