踏出 Makeup 第一步

為了將來‧為了健康‧為了目標
我終於踏出人生好大的一步，就是決心改行了

不過從事數學教育的我，讀數學都讀左廿年，除左講數同訓覺之外，都沒有其他專長。

自中三開始，因為要經常參與校外比賽同表演，就會將自己執到正一正，又要化下妝。再經歷過結婚搵mua的煩惱，心想我如果我在呢行發展又會如何？

其實我也沒有想過有什麼大的發展，又要成為什麼人氣的化妝師，只是我對現在教育的工作感到太疲累了，已經不想再面對，希望再工作多數個月的時間，就靜靜地享受生活，唔想再好似而家過著終日擔心自己的身體的日子。而且有一技之長，閒時替新婚的朋友扮靚，也當是賺點外快吧。

不過最近工作很忙，我對set 頭完全一曉不通，所以我暫先學新娘髮型班，希望可以有多點時間練習，遲些再開始學新娘化妝。

 

上了兩堂髮型班，已有很大的得著。
(不過兩次上堂都忘了帶相機，往後我再給大家分享上堂的片段啦)

 

Set 頭的工具真的很簡單，不過要再加 spray 同髮臘

 

好多謝寶寶的支持，我哄他成晚終於比我買個假頭，因為唔係咁多男人會接受屋企有個假人頭
不過我同寶寶講，總之唔會趁佢訓去拎個頭出o黎(半夜去廁所真係幾嚇人)

第一堂電哂成個頭都要兩個鐘，練左幾日，而家45分鐘左右咋，再要努力加快 !

 

第一個學到的造型

雖然不是完美，但都是好的開始

放些頭髮落黎，加個皇冠，第二個 Look

 

繼續努力 !

*     *     *     *     *

其實最近工作的日子，精神真係好差，頭又脹，頸又痛
希望快D好番啦!