昨晚是屯門國慶煙火匯演，剛好匯演的位置正是屋苑對出的海岸。
真係好，唔洗到海旁同人迫
於是我同奶奶就到左屋苑的平台觀賞(寶寶去左睇林狗)
到了七點，進了平台就見到肥哥，哈哈
匯演半個鐘前，平台也多了很多人，但比起海旁，就稀疏很多
真係未見過晚上屋苑的燈是如此繁密，很多住戶也留在家中觀賞
今次的匯演，標題已清楚註明是煙火，不是煙花
高度有100米 (100米即大約有30樓高啦，都應該唔錯卜啩)
好多人都抱著像年初二的煙花匯演一樣高的期望，結果...
二十多分鐘的匯演，結果就換來我二十多分鐘的蕚然、攝影發燒友的無奈、遠遠來到的人群之失望 ...
其實效果不是如傳媒報導的差，因為宣傳已一早註明，煙火匯演的範圍只有600米，位置是屯門海濱公園，黃金海岸進行的是音樂會，很多觀賞的人在天熱酷熱警告下，早早前來黃金海岸，最終都只看到遠遠放出很疏落的煙火 ~
可能大家都懷著十多年前的回憶--「屯門回歸煙花匯演」，是多麼令人興奮
慶幸的是我這次能站在最佳的位置，如要我評論，我想必是高度，根本10米也不知有沒有，連海旁的大樹也高過整次匯演的煙火，煙火編排有點點怪
而且這晚的風一點也沒有，真是煙霧一片
呢幕直頭同樹一樣高，唔通棵樹有 100 米高?
呢幕真係怪得緊要
到了尾聲了
有好幾位朋友還上了青山觀煙花，感覺當然 ....
他們說熱到要命，看到的只是像人點香煙一樣，一霧煙!
不過始終都要多謝政府為我們屯門居民準備價值300萬的心意，但能真正感激政府呢份心意既人好似唔多。
其實這次匯演的確可以令這一晚的屯門帶來一刻的熱鬧
我都要向祖國說一聲「生日快樂」
我當晚係黃金海岸ｏｎ ｄｕｔｙ，都見好多人爆粗同早走﹗我都覺得好失望‥‥‥
回覆刪除[版主回覆09/21/2009 10:34:00]難為上了青山的兄弟們... 我同肥哥一路睇一路話好無聊呀!
我冇留意添...哈哈...
回覆刪除[版主回覆09/21/2009 10:35:00]留意唔到都係好 咁就唔會有期望啦
我都有去睇....不過同你一樣失望><"你屋企咁近好大煙喎!
回覆刪除[版主回覆09/21/2009 14:35:00]其實都係海度大煙, 屋企附近都冇咩煙 我朋友在黃金海岸睇就真係成霧煙, 可能一d風都冇, 睇的效果唔好
我睇電視的，我仲以為係電視直播差，原來……
回覆刪除[版主回覆09/21/2009 14:44:00]我就覺得電視播的還比現場睇仲靚, 好似是在船到拍的
而家ＨＫ太多煙火或煙花表演啦，所以而家唔會為左佢而特別入屯門啦！！
回覆刪除不過你係屋企樓下睇既位都幾好喎，起碼唔駛同人迫嘛！！
[版主回覆09/21/2009 17:58:00]其實始回歸,香港政府都對我地唔錯, 由一年一次煙花, 變成一年三次 不過我就覺得呢次價值三百萬的匯演, 實在令好多人失望, 都幾浪費 真替一些由三四點便遠遠前來賞煙火的市民不值~
10幾年前嗰次真係好睇好多呀！
回覆刪除[版主回覆09/21/2009 18:00:00]o個次個個睇完心情興奮到留o係海灘玩通宵 今次d人匯演未完就爆粗走人, 就知分別有幾大
真係煙火jar wo
回覆刪除[版主回覆09/22/2009 10:55:00]係呀! 唔係新年o個d爆得好燦爛o個隻
有朋友本來邀請我現場去睇, 一來要睇住囡囡, 二來又覺得天氣熱, 三來又覺得10幾年前都係屯門黃金泳灘睇過煙花, 心想應該沒太多特別呢. 所以都冇留意.
回覆刪除不過經你報導後, 都覺得今年的國慶煙花麻麻地. 還好你也不用走到遠處去拍這些照片, 否則可能又一次的失望 :) 謝謝你的分享
[版主回覆09/22/2009 10:54:00]咁又有好多人拍得仲好 其實這次匯演又唔係冇觀賞價值 以平常心睇都唔錯
HAHA, 原來大家係鄰居喎...
回覆刪除[版主回覆09/22/2009 10:53:00]原來妳都係住附近 o個晚有冇睇煙火呢?
我原本約左班中學同學一齊睇煙花, 但取消左...我就去左九龍同第2班fd食飯...我起初以為電視會直播, 點知無...
回覆刪除[版主回覆09/22/2009 14:06:00]哈哈~ 其實另一節目也是好事
我專誠坐車入小欖行去黃金海岸，行咗四十幾分鍾先到，但換來一片失望！
回覆刪除[版主回覆09/24/2009 23:00:00]真係好慘啊, 最大問題係政府將所有屯門沿海路線封哂, 攪到好似好大型, 個個就抱住好大期望...