$ 師奶第一次準備新年

下星期便是農曆新年了，第一年以師奶身份慶新年當然特別緊張啦。

 

呢幾日，我不斷辦年貨。

 

好多得意的佈置

 

靚靚Melody 全盒呀

 

加埋大元寶，可以放好多糖果喇

 

好多朱古力同糖果呀~
一到過年我就大有口福，因為我好鍾意食糖柑桔，當然要大量入貨啦
不過我買了包開心果，未過年就比寶寶食剩幾粒呀

 

利是封 -- 其實好多利是封是我以前每個農曆新年買下給學生 (當然只是入金幣朱古力啦)

感謝每年都 sponsor 我糕糕的校長同多位家長
今年收到兩張美心同一張陶源的coupon，兩盒美心都換給我媽咪同嫲嫲了
今年往陶源取糕糕，取過盒子，就已聞到濃濃的香味，好期待大年初一呀

多謝媽媽幫我兌換很多新鈔

年花 (不過睇住d花一天大過一天，好驚未過年就開哂) 

                            昨天                                                          今天

 

 

其實我仲有很多事情未做，未添新衣啦，每天放工又要大掃除。不過之後幾天晚上要分別與多位親戚吃團年飯，根本執唔切啊

 

*     *     *     *     *

 

另外，兩星期前，嫲嫲在公園趺了一跌，弄得肩膊的骨碎了，腰和膝頭也有骨折，住了兩星期醫院，一到weekend，我就忙於往深圳探望她。不過因為她九十歲了，醫生不建議替她做手術，只可讓骨慢慢生，我們都想她多留院一會，不想她在家勞動，但都希望她在新年與我們一起渡過，就接她出院了。

 

其實今個鼠年，嫲嫲話真係好開心，除了多了一位孫女婿，佢仲當了太婆tim(我堂弟在我結婚前一天添了一個男丁。
希望嫲嫲乖乖，回家好好休息，同我們開開心心賀歲。

 

 

*    *    *    *    *

 

呢個星期，真係好忙
我要在牛年先可以再同大家見面喇

祝大家新年快樂‧身體健康‧牛年進步