婚前的生辰--《Happy Birthday to me》

今日零辰已收到朋友的祝福短訊，好多謝多位朋友在百忙中也給我sms 和電話的祝賀。

早上一班同事亦好有心買左個大蛋糕同我慶祝，另外我上司係遲我兩日生日，就一起慶祝埋，老細明天仲請大家食 lunch buffet tim ^^

每個同事都問我：「今晚有咩節目呀?」我就回應：「唔知啊~」
究竟有咩節目呢? 好心急呀!

等左大半日，我放工到TST 搵寶寶，我一見到佢拎住扎花就好開心呀~ 我係第一次生日收到佢送既花~ 好靚啊

跟住我地去邊呢?

 

佢拖住我行 ...去到 P-e-n-i-n-s-u-l-a 門口 -- 「去年平安前夕手袋偷竊事件案發現場」
我心想：不是嘛~  果然我地去半島食Buffet 啊~

呵呵呵，佢想我次次經過門口都係捻d開心既事，唔係充滿恐懼的感覺。我一入去所有唔開心既感覺都冇哂，只係想食得開心。那兒的食物...當然好好味啦，不過我最近個胃不好，都食得好少。

平時都冇幾可會來半島，吃過美味的一餐，當然拍番幾張相留念啦。但我身體不太好，還是早回家休息了。

今年的生辰，我叫寶寶不用買禮物，晚餐都已花很多金錢了，點知...
寶寶一年都會送一隻豬嘜比我ga~ 今年係天使小豬嘜，好得意啊

仲有頭巾一條，佢話我戴一定好好笑

此外，還有多謝同事的禮物 (放在學校)

今年除了收到爹地媽媽同未來奶奶既利是，許Auntie 都比左我封好「厚」的大利是，真係好「厚」啊，佢話比我結婚封利是用。
Thank you~

今個生辰其實我是受著胃痛之苦，自從上星期腸胃炎後，腹瀉痊癒了，胃就變得很痛，明天要再睇醫生了。