昨日放左工同寶寶和翠兒一齊去上海街睇褂，本來都係想了解下價錢和看款, 但試上身真係愛不釋手。
首先我地去左錦發，我喜愛褂后，老闆娘就拿起一件褂后給我穿，當看到鏡上的自己穿起褂來，真係好靚啊，中國的傳統嫁衣實在美得太絕。
再試了中五福
小五福出場
我都係最愛褂后，老闆娘再比呢件波浪腳的褂給我試，我個人最喜歡呢件。佢見我同翠兒兩人同行，比個靚價我唔洗一千可租造褂后，我地就...
其實我想再過美華睇睇，點知去到美華，見到閃亮的金銀線，就更愛美華了，當然我問老闆娘看看我最愛的褂后，明顯地美華的褂后比錦發的更隆重，大五福都已經好似錦發既褂后。試了這一件，密密的金銀線實在很耀眼，深深吸引著我，便立即問寶寶意見，confirm比錢喇
但番到屋企睇清楚件褂拍出黎幾反光啊。明天我會再到美華轉番大五福。
之後我地到左花滿樓食個豐富既晚餐
好好味既砂鍋雲吞雞
兩個新娘子一齊著掛的感覺很有趣呀
回覆刪除[版主回覆02/20/2008 23:09:00]真係好開心
我都好鍾意褂褂嫁 原先我都好鍾意褂后嫁!不過覺得影相出黎會好白(可能太閃),所以我會選擇番有多少少紅色既,我都差唔多要去睇定D褂,到時再交流!
回覆刪除[版主回覆02/20/2008 23:12:00]褂褂真係好靚呀~ 其實好唔好睇都係試上身, 拍出黎先知, 我見有d人著褂皇影相都可以好靚呢
咁美華的褂后真係靚好多wor...............我見我朋友著褂后影出來冇問題的, 到時攝影師都唔會用閃光的? 應該可以唔轉ar
回覆刪除[版主回覆02/21/2008 00:04:00]又好難叫攝影師唔用閃燈, 我鍾意浮跨, 但又睇唔慣自己, 真係好矛盾啊
咁我都好似你咁兩間都去試下先~~~但係美華係唔係唔租就唔可以影相架???兩間價錢係唔係差唔多咋???
回覆刪除[版主回覆02/21/2008 00:08:00]美華只可以影confirm 左租o個件 兩間價錢真係差唔多, 不過錦發平幾十蚊, 仲有價講, 老闆娘開既價都幾吸引ga
我覺得你著小五福都Ok!
回覆刪除[版主回覆02/21/2008 00:29:00]其實小五福都好靚, 不過我鍾意浮跨, 而且花車係紅色, 我一定唔揀得多紅
咁又係喎! 我都希望你搵到一件著得靚靚又鐘意的褂出嫁!
回覆刪除AIYA...我仲未諗好丫....
回覆刪除[版主回覆02/21/2008 12:52:00]唔緊要~ 最緊要o岩自己心水
睇完你既分享，我知我自己鍾意咩款啦 多謝你。有波浪腳的褂真係靚好多呀
回覆刪除[版主回覆02/21/2008 12:36:00]波浪腳的褂真係靚d ga
E...咁你覺得錦發同美華邊間服務好d?有冇其他o野送咖?
回覆刪除[版主回覆02/21/2008 12:39:00]兩間都好好, 不過聽人講美華既鄧生好惡, 我就由鄧太招呼, 佢真係好好, 好細心。錦發可以任影任試, 老闆娘表情又好好笑, 又有得講價。可以叫佢地送睡衣, 美華仲送過大禮禮封比我, 買其他野有八折
唔係叫佢唔用, 係唔會用的. 室外有日光ma. 大機d 閃光向上打唔係好似傻瓜機咁直出的............你不如問下AG LA , 我quite sure 唔駛因為怕反光而唔要褂后wor 況且件褂后你著得好靚ar
回覆刪除[版主回覆02/21/2008 12:41:00]係~ 攪到我唔知點揀好, 一世一次, 當然想搶眼d 我會去美華比較睇多一次先
掛后金線多d，真係靚d、突出d喎~
回覆刪除[版主回覆02/21/2008 12:40:00]掛后真係好靚呀
回覆刪除呢件好d喎....
我都係掛后...係名度租埋... 唔洗加錢 tim呀~
[版主回覆02/21/2008 12:42:00]我最鍾意呢件
謝謝分享~ 好多人都話錦發好~ 下個月等我都去睇下先~
回覆刪除[版主回覆02/21/2008 12:43:00]錦發唔錯ga, 多d人去, 仲有價講
褂后真係好靚，我都好鍾意，我諗都差唔多時間去睇褂啦！
回覆刪除[版主回覆02/21/2008 12:44:00]褂后 yeah~
我覺得中五福都ｏｋ喎，如果錦發租，幾錢呀？
回覆刪除[版主回覆02/21/2008 12:42:00]好似五百幾左右啦
你著褂后好好睇呀! 咁你係美華係咪租頭褂呀?
回覆刪除我應該下個月會去錦發同美華睇比較吓先! 咁邊間手工靚啲呀?
[版主回覆02/21/2008 22:02:00]我轉左大五福lu。美華本身既褂好新淨, 租頭褂要double 價錢。手工就美華好一些, 金銀線好閃
真係幾靚bor~~~
回覆刪除[版主回覆02/21/2008 22:08:00](Empty)
我都覺得中式既褂係好靚.有金有銀又大紅.影相出黎一定好搶啊~
回覆刪除[版主回覆02/21/2008 22:09:00]褂真係一門藝術, 好靚
唉....我都未睇褂呀!!!唔知夠唔夠時間呢???呢2間公司係邊架???
回覆刪除SI,你booked左當日wedding攝影未呀???
我依家好好好煩呀!!!!!得閒就去我blog留言啦!!!
[版主回覆02/21/2008 22:46:00]褂可以慢慢睇~得閒睇下 兩間都係上海街 錦發: 上海街523號 美華: 上海街625號 攝影我book 左 amazing grace 呀, 另外有朋友幫手拍 snapshot
我對掛一點認識都無呀... 我呢個星期會同媽咪去睇下先得..
回覆刪除我都覺得係著掛后好靚呀..感覺好grand 呀 ~
[版主回覆02/21/2008 23:29:00]褂后真係好靚, 不過我最終轉左大五福, 影出黎靚d 個個女仔都係結婚對褂先開始有認識
終於轉左喇? 最緊要你自己鍾意丫...你著乜都靚唔洗諗咁多丫
回覆刪除[版主回覆02/22/2008 00:31:00]唉~又有野煩~
我果時都係中五福都已經覺得巧令, 你而家件褂后都好正正正ar~
回覆刪除[版主回覆02/22/2008 21:56:00]其實不同既裙褂都好靚
好羨慕呀, 你真係著乜都咁靚, 我租婚紗晚裝個度送埋褂, 但得一個款, 就算肯加錢佢地都冇其他款, 我第一次見果件褂覺得一d都唔靚, 諗住出去自己租, 但第二次睇又好似都幾ok喎, 而家仲諗緊駛唔駛再出去租, 原本我仲有張coupon係租褂免費既, 不過只限金鳳凰既珠片款, 咁我就唔考慮lu..
回覆刪除我個blog都開張大吉啦, 有時間過黎交流下啦~~
[版主回覆02/23/2008 07:37:00]裙褂當然傳統繡莊比較好，租婚紗晚裝o個d款少又多人著過，睇下妳重唔重視件褂。我係d比較傳統女仔，所以想樣樣野都做得好一點。褂一世只可著一次，或者妳去繡莊睇睇先
一生人一次,真係要揀件靚0的著呀,你著褂后幾好睇,我試過唔襯我,租左水晶褂,咁你租大五福幾錢呀?
回覆刪除[版主回覆03/07/2008 07:48:00]o個件大五福要590呀, 落左三百蚊訂囉唔番