大日子倒數八個月

不經不覺，還有8個月就到我們的大日子了，看似已預備了很多東西，我卻帶點虛幻的感覺，結婚本來就是自己的夢。夢想原來也有成真的一天，不知到底是怎樣呢。

 

這幾天其實精神一直不好，可能之前患了感冒兩星期終於痊癒了，但人已虛起來，聲音已變得吵啞~ 健康， 快點回來吧!

 

溫馨提示:
今日飾金 9600，黐線ga~
 秋子訂花球好快就要分grade 收費 / Trince 今年七月加價，各位有興趣在這兩間訂花球既姊妹要快手啦

靚靚準新娘子再三聚會

日期: 26 - 2 - 2008
時間: 7:30
地點: What is Board game cafe

昨天我再次與一班靚靚準新娘子一起吃晚飯。今次共有20位美女啊 ，非常熱鬧。好可惜我好唔舒服，本身我都已經請了病假，睡了兩天都是很累，很多時候都坐下來，沒有把握同每位美女交談。不過我地都好開心，好期望下次的聚會。

感謝 TY帶來既酒，可惜我唔舒服冇飲到，但用來做佈景都好正 ~

又靚又青春既Yan & Me

麥田之友既 Janice & Me, 好想快d睇到妳既大頭靚相呀

靚靚既阿三 & Me, 大家都係三條一新娘

好可惜當晚好累, 下次要同每位美女再拍多d相

Noel Chu 1st Trial

昨天早上與幾位幾新娘一起睇褂，當然還有兩位是三條一新娘，感覺很親切。她們都選擇了美華。老闆娘看見我都給我一份過大禮的禮封。我覺得美華過大禮package 都不錯，我想過幾天會把deposit轉作過大禮用。

下午與寶寶、翠兒同商記夫婦一起到Noel Chu，我第一次試衫喇~

如我所料，週末的NC非常非常多人，那時已有三四個JM在試衫，我們看了很多相簿還是選不到衫，因為新的款式和受歡迎的都放哂出黎。

其實多人試衫也有好處，就是好像有很多model 穿好多靚衫，知道那一件較好，等了二十分鐘左右，我便有更衣間換衫了，試了第一件(湖水藍A line+彩繪蝴蝶，像是”鍾嘉欣”送客穿過的)，雖然是舊一點，但穿起看著鏡子，令我眼前一亮，可惜舊而不光鮮，只作試來玩玩，隨後試了相簿中選的兩件，感覺實在麻麻，試到其他JM 試穿過的晚裝，一件一件的穿起出來，各人都”嘩”一聲 ，NC 既晚裝真係真係好得~ 想不到像我這麼矮小的個子也穿得起。

各位試衫的JM 互相看到其他人試的衫亦不其然自己也穿來看看，就這樣，幾位準新娘都是輪流穿著這廿多件晚裝。有些款我試完便立刻想hold，可惜一早被其他三一新娘hold了，原來這天也有一位jm 遲我一天 BD，大家都是鬥快一點 hold衫。
寶寶亦很細心幫我mark低試了那一件的number、感覺，sales 都大讚佢好體貼，嘻嘻

其中有一件在二月expo阿寶給我看過的紅色A line，我一眼看就好鍾意，可惜這天已出了街(嘩~ 那件新衫只出了兩星期就被人租了，真係好得 )，不過原來NC有一件是同款紫色，我再穿上看看，出來design好靚啊~ 我想鮮紅色的一定更靚，幸好這件紫色亦竟被那位與我爭衫期既jm 剛 hold了，而紅色的仍有期，我就立刻 hold件紅色 (真的好彩，那因為紅色那件出了街，大家才不知道它的存在，我相信無論看過或穿過的人必定喜愛的，卻被我看過才能選到。)

最終我共試了十六件晚裝，很多都好靚，經一番考慮，終於選了三件晚裝，每件都要 upgrade，雖然連原來的package都唔平，但亦是值得。朱Uncle 又很會說話，說我試衫時，與寶寶都笑得好開心，樣子也很年輕，我回應... 我地同"鍾嘉欣"係同學o黎，估下我地有幾大?! 他說夠18歲了，所以要結婚了~ 弄得我們比錢都開心過人。哈哈~ 有咁多靚衫著當然開心啦，其實我很想對他說：「你囡囡設計既衫真係好靚啊!」

不過除了貴一點，仲有一樣唔好既係唔比影相，但這點我亦理解，被人抄了款就白費了 Noel 的心血，NC既衫就不再特別了。我唯有畫低選好既款比Catis 配頭飾。

再等半年，可以再試一次新衫，轉一次款，到時又有靚衫睇

 

Confirm 了秋子花藝

昨日到美華後，再到了秋子confirm package。

選擇秋子是因為口碑不錯，花很新鮮，而且花球款式任擇。我暫選了最平的套餐：

         $898

• 新娘花球一個


• 新郎襟花兩個


• 「桔梗」襟花 / 手花 16個


• 送新娘頭花一份

我另外想要蕙蘭襟花6個給長輩，但選貴$200的package，有蕙蘭襟花4個，但「桔梗」手花就只有10個。算起來即一個蕙蘭襟花大約要80元，都唔知點解會咁貴。我想可能會另在Trince訂 (蕙蘭襟花一個都不過是$30)，不過BD前一日可能再忙一點，都是問寶寶意見先。

花球款當然是我一早選定的綠色蕙蘭加牡丹

幸好我帶了給老闆看，他說11月都會有我選的花種，也不用加錢。

其實呢幾日我真係好累，可能剛剛感冒完了，成日頭暈，看了中醫，醫師說我陰虛，要潤一潤下，好好休息。明天又要試衫了，都係時候休息了。

揀好了褂褂

最終我選了錦發的褂后~

昨天, 我與朋友到了美華看一看褂后同大五福，褂后本身真係好靚, 不過我部相機拍極都反光，於是老板娘再比大五福我看，比較下朋友亦覺得大五福自然一點，於是我就轉左大五福lu。不過講真，回到家都係覺得褂后最靚, 但大五福拍出黎真係唔錯。

晚上我send 相比寶寶睇，睇完即刻問我係咪真係鍾意件大五福, 我話覺得ok, 不過佢就覺得我著得麻麻, 佢再問我鍾意錦發既褂后多d定件大五福多一點, 我當然會選那件褂后。佢問我點解唔揀, 咁事實錦發既褂冇美華咁新, 而且在美華己落左訂嘛。寶寶即刻建議我選擇不如去美華落既訂轉其他東西，在錦發租件頭褂, 褂一世著一次, 唔想我因為怕煩, 為了省幾百元既訂而硬要選一件不是自己心水既褂。當時我很累, 不想花精神去做決定，還是去做睡寶寶了。

今天一早醒來, 心裡的答案也跟我醒來。其實煩也不過是在美華幾分鐘的對峙，寶寶也說到佢會單獨攪掂啦 一世穿一次的嫁衣當然要選一件自己最喜愛呢。

今日放工立刻同寶寶去錦發了, 終於選左件靚靚褂喇

睇褂記

昨日放左工同寶寶和翠兒一齊去上海街睇褂，本來都係想了解下價錢和看款, 但試上身真係愛不釋手。

首先我地去左錦發，我喜愛褂后，老闆娘就拿起一件褂后給我穿，當看到鏡上的自己穿起褂來，真係好靚啊，中國的傳統嫁衣實在美得太絕。

再試了中五福

小五福出場

我都係最愛褂后，老闆娘再比呢件波浪腳的褂給我試，我個人最喜歡呢件。佢見我同翠兒兩人同行，比個靚價我唔洗一千可租造褂后，我地就...

其實我想再過美華睇睇，點知去到美華，見到閃亮的金銀線，就更愛美華了，當然我問老闆娘看看我最愛的褂后，明顯地美華的褂后比錦發的更隆重，大五福都已經好似錦發既褂后。試了這一件，密密的金銀線實在很耀眼，深深吸引著我，便立即問寶寶意見，confirm比錢喇

但番到屋企睇清楚件褂拍出黎幾反光啊。明天我會再到美華轉番大五福。

之後我地到左花滿樓食個豐富既晚餐

好好味既砂鍋雲吞雞

婚前最後一個情人節

今年新年前夕，已感受到不少情人節的氣氛。

(新年前已拍的)
Just Gold

今個情人節，我們不如以往在黃金海岸渡過，而是在又一城睇戲。入戲院前我們到了周生生睇婚介。其實之前都有留意一些款，我們都想選純度高一點既婚介，不過純鉑金款就少，K金戴幾年就會變色。今次我同honey都睇中日本牌IL REGALO，可以隨意刻字加石訂造，又可以造到好似Catier 既款。不過價錢好貴呀，每隻都過萬呀~ 我又見honey真係對呢條line 情有獨鍾，都係再留意多d，考慮清楚先。

之後夠鐘睇戲了，CSS個sales 見我地本來對REGALO 有興趣，但要趕住走人，都幾無奈。
我地就跑到戲院睇戲喇!

 

《P.S. I  Love You 》真係非常好睇、好 touching ~ Hilary Swank做得好好，影片笑中有淚，有日本"情書"的影子，手法更輕鬆，寶寶睇到笑得好大聲，我亦見到有人攞紙巾出黎。情人節欣賞更滿是窩心的滋味。誠意推薦比大家

今個情人節，我地都有協議，因為之前除夕拍多輯的婚照已是我們的最佳禮物，所以大家都不用再買禮物了。不過情人節，當然想honey 更sweet sweet啦，我就送左盒 sweet 到漏既朱古力比佢食。嘩~ 真係甜到漏，佢食左一粒就覺得太甜，成盒比左我食喇，哈哈

一盒得12粒，我一陣就食左半盒喇
我既感冒仲未好，但真係忍唔到口

戊子年賀新歲 -- 年初四

年初四一清早我又要起床燙湯，再睡了一會就和家人到錦田和外婆拜年。

到了錦上路西鐵站，我們截了的士，那位的士司機真的很過份，寶寶最後一位上車，一隻腳還剛剛站上車，司車已開車了，幸好寶寶沒有事，他就罵了司機一頓。

然後我們與外婆、舅父一起到酒樓吃飯，再送外婆回去，我們到了屯門的New Way唱k，但想不到我入了房間不夠10分鐘喉嚨已痛又打噴嚏來，寶寶亦不斷流鼻水。噢~ 很厲害的病毒呀~

就這樣，我病倒了。
年初五 -- 開工的大日子，我就抱恙上班去

戊子年賀新歲 -- 年初三

每年的年初三都是比較郁悶，忙碌完兩天，通常這一天都留在家中睡覺，今年細佬有一個重任給我，就是帶媽媽到濕地公園遊覽，然後陪她到觀音廟祈福。

年初三的濕地公園非常多人，我想是因為很多居住在港島、九龍和內地的人到天水圍的親友拜過年後就到此遊玩。不過其實雖然我住在天水圍5年，卻是第一次在濕地公園裡遊玩 (之前都只在外面的草地散步)，園內比我想像中大得多，可惜實在太多人，我沒有太大的興緻。而且天氣寒冷，草木像在冬眠似的，感受不到生氣，反而園外放置的年花較吸引我。

再到過觀音廟後，我獨自在萬寧買朱古力吃，誰不知我在排隊付款時，排我後面的男人烘我很埋，我再行前又是如此三四次... 看看他，笑淫淫的，到了我付款的時候，他就上前打我尖，想立刻付錢走，我就大大聲說道：「先生，你是排我後面的!!!」他就扮斯文地不知說了什麼，還裝出笑淫淫的面孔，我再罵他咸濕佬，新精頭想博人矇 ...@%#&... 店員、顧客目光都向著他，我付了錢就走了，要不是新春喜慶的日子，我會罵他更厲害呢。新年遇上這樣的男人真無奈，幸好無損我的心情渡新歲。

(芍葯好靚呀，等我第時都買番幾枝作年花先)

戊子年賀新歲 -- 年初二

年初二一早就要起床執房，因為寶寶早上到我家拜年，然後就同媽咪細佬上深圳同嫲嫲吃開年飯了。到了深圳已十二時多，弄得嫲嫲餓了，幸好爸爸今年新年心情靚靚，竟然沒有向我們動火，大家一起到酒樓吃飯。
之後，我和寶寶要趕下一場，立刻回港，還要四時多便到機場，好趕呀~ 而爸媽和細佬就留下來和嫲嫲吃晚飯，同親戚打麻雀才回來。

我地趕著做什麼? 係趕著往機場吃buffer，然後同朋友一家去坐船看煙花呀，這麼大個女都是第一次現場近距離到維港看 (以前都只試過在室內看，亦看過內地的，當然沒有香港的澎湃和震撼)，天寒地凍在紅磡等上船也等了一個小時，不過看到動人的煙花都是值得的。

 

(葉家新年大合照)